सर्लाहीको पेट्रोल पम्पमा लाखौं लुटपाट
सर्लाही, १८ बैसाख । सर्लाहीको एक पेट्रोल पम्पमा शुक्रबार साँझ लखौं लुटपाट भएको छ । सर्लाहीको पर्सा गाउपालिका–२ संग्रामपुरमा रहेको श्री बौद्वी फ्युल सेन्टर (पेट्रोल पम्प) मा शुक्रबार साँझ हतियारसहित आएका लुटेराहरुले हवाई फायर गर्दै लुटपाट गरेका हुन् ।
पर्सा गाउपालिका–३ का वडाध्यक्ष भिखारी साहले संचालन गरेको सो पेट्रोल पम्पमा १० लाख रकम लुटेर लगेको सञ्चालकले बताएका छन् । सर्लाहीका प्रहरी उपरीक्षक सन्तोष सिंह राठोरले ४ लाख रुपैयाँ लुटेर लगेको बताए । उपरीक्षक राठोरले घटनाको विषयमा अनुसन्धान र लुटेराहरुको खोजी कार्य भइरहेको बताए
घटनास्थलबाट गोलीको खोका समेत बरामद भएको छ । लुटपाट भएको पेट्रोल पम्पदेखि सय मिटर पर नेपाल प्रहरी र सशस्त्र प्रहरीको चौकी छन् ।