न्याय परिषद् सदस्य निरालाको कोरोना संक्रमणबाट निधन
काठमाडौं, २१ बैसाख । कोरोना भाइरसको सङ्क्रमित भएका न्याय परिषद् सदस्य लक्ष्मीबहादुर निराला खड्काको ज्यान गएको छ ।
मङ्गलवार बिहान निरालाको उपचारका क्रममा सशस्त्र प्रहरी बलको अस्पताल बलम्बुमा ज्यान गएको हो ।
कोरोना सङ्क्रमण देखिएर स्वास्थ्यमा समस्या भएपछि उहाँ गएको वैशाख १० गते अस्पतालमा भर्ना भएका थिए । खड्का २०७६ पुसमा न्याय परिषद् सदस्यमा नियुक्त भएका थिए भने तत्कालीन राजा ज्ञानेन्द्र शाहको पालामा उनी महान्यायाधीवक्ता भएका थिए ।