गण्डकीका मुख्यमन्त्री गुरुङको एन्टिजिन पोजिटिभ, पीसीआर रिपोर्ट पनि आउँदै
पोखरा, २२ बैसाख । गण्डकी प्रदेशका मुख्यमन्त्री पृथ्वीसुब्बा गुरुङको एन्टिजिन परीक्षणको रिपोर्ट पोजिटिभ देखिएको छ । अब पीसीआर परीक्षणको रिपोर्ट आउन बाँकी छ ।
हिजो (मंगलबार) संसदीय दलको बैठक सकेर निवासमा फर्किएपछि उनलाई ज्वरो आएको थियो । त्यसपछि संक्रामक तथा सरुवा रोग अस्पताल (कास्की) मा एन्टिजिन परीक्षण गर्दा रिपोर्ट पोजिटिभ आएको हो । पीसीआर परीक्षणका लागि पनि स्वाब दिइसकिएको र रिपोर्ट आउन बाँकी रहेको स्रोतले जनाएको छ ।
