मुख्यमन्त्री गुरुङलाई कोरोना संक्रमण
पोखरा, २२ बैसाख । गण्डकी प्रदेशका मुख्यमन्त्री पृथ्वीसुब्बा गुरुङलाई कोभिड–१९ को संक्रमण भएको छ । हिजो (मंगलबार) को परीक्षणमा एन्टिजेन पोजेभिट देखिएपछि थप पीसीआर परीक्षण गराउँदा उनका कोरोना संक्रमण पुष्टि भएको हो । उनी अहिले आफ्नै निवासमा रहेका छन् ।
मंगलबार मात्रै उनी गण्डकी प्रदेश सचिवालयमा आयोजित सर्वदलीय बैठकमा सहभागी भएका थिए । साँझ उनमा ज्वरो देखिएको थियो । मुख्यमन्त्रीका प्रेस संयोजक विक्रम न्यौपानेका अनुसार मुख्यमन्त्री गुरुङले निवासकै आइसोलेसन प्रयोग गर्नेछन् ।