स्थायी कमिटी वैठक लगतै राष्ट्रपति भेट्न ओली शीतल निवासमा
ओलीले विश्वासको मत प्राप्त गर्ने गरी अघि बढ्ने एमाले स्थायी कमिटीको निर्णय
काठमाडौं, २३ बैसाख । प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शीतल निवास पुगेका छन् । नेकपा एमालेको स्थायी कमिटी बैठक सकिना साथ प्रधानमन्त्री ओली राष्ट्रपति भण्डारीलाई भेट्न शीतल निवास पुगेका हुन् ।
यता नेकपा एमालेले प्रधानमन्त्री केपी शर्मा ओलीले संसदको विशेष अधिवेशनमा विश्वासको मत प्राप्त गर्ने गरी सबै दलहरुसँगको छलफललाई निरन्तरता दिने निर्णय गरेको छ । बालुवाटारमा बसेको स्थायी बैठकपछि एमाले नेता प्रदीप कुमार ज्ञवालीले यो जानकारी दिएका हुन् ।
विहीबार विहान एमालेको आकस्मिक स्थायी कमिटी बैठक बसेको थियो । वाग्मती प्रदेशअन्तर्गत रिक्त एक पदमा हुने उपनिर्वाचनका लागि छिट्टै उमेदवार तय गरिने उनले बताए । उपनिर्वाचनमा जित सुनिश्चित हुने गरी छलफल अघि बढाइएको उनको भनाइ छ ।
त्यस्तै, बैठकमा प्रधानमन्त्री केपी शर्मा ओलीले वैशाख २७ गते संसद्मा विश्वासको मत लिने विषयमा छलफल भएको उनले जानकारी दिए । अन्य पक्षसँगको छलफललाई निरन्तरता दिइने उनले बताए ।
