पछिल्लो २४ घण्टामा ३,३७० कोरोना संक्रमित निको, ८,४१८ जना नयाँ थपिए, ५३ को मृत्यु
काठमाडौं, २५ बैसाख । नेपालमा पछिल्लो २४ घण्टामा देशभरबाट ३,३७० जना कोरोना संक्रमित उपचारपछि डिस्चार्ज भएका छन् ।
यस्तै सो अवधिमा थप ८,४१८ जनामा कोरोना भाइरस संक्रमण पुष्टि भएको छ । यस्तै यस अवधिमा ५३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा पिसिआर र एन्टिजेनसहित ८ हजार ४१८ जना संक्रमित पुष्टि भएका हुन् । १७ हजार ३१५ जनाको पिसिआर परीक्षणमा ८, २८७ जनामा पोजिटिभ र ९८९ जनाको सीमा नाकामा एन्टिजेन परीक्षण गर्दा १३१ जनामा कोरोना पोजिटिभ आएको स्वास्थ्य तथा जनसंख्या मन्त्रालयले जनाएको छ ।
कुल संक्रमितमध्ये हाल ८३ हजार ४९३ जना सक्रिय संक्रमित छन् । हाल ३९८ जना संक्रमित क्वारेन्टाइनमा छन् । यसअघि शुक्रबार नेपालमा ९,१९६ जनामा संक्रमण पुष्टि भएको थियो भने ५० जनाले ज्यान गुमाएका थिए ।
