चौकीभित्रै पसेर नाइजेरियामा सात प्रहरीको हत्या
काठमाडौं, २६ बैसाख । नाइजेरियामा बन्दुकधारी समूहको गोली प्रहारबाट सात जना प्रहरीको मृत्यु भएको छ । देशको दक्षिणी क्षेत्रमा कारमा आएका सो समूहले चेकिङ प्वाइन्टमा रहेको प्रहरीमाथि गोली प्रहार गर्दै दुई वटा प्रहरी चौकीमा प्रवेश गरी हत्या गरकोे हो ।
मृत्यु हुने सबै सुरक्षाकर्मी रहेको समाचारमा जनाइएको छ । यस्तै प्रहरीको कारबाहीमा दुई जना बन्दुकधारी मारिएका छन् । घटनाको जिम्मेवारी कसैले लिएको छैन । गत साता नाइजेरियाकै अन्य प्रहरी चौकीमा बन्दुधकारीको समूहले आक्रमण गर्दा दुई प्रहरीको मृत्यु भएको थियो । एजेन्सी