बर्नलीसँग पराजित भएपछि फुलहम रेलिगेसनमा
काठमाडौं, २८ बैसाख । बर्नलीसँग पराजित भएपछि फुलहम इङलिस प्रिमियर लिगबाट सोमबार रेलिगेसनमा परेको छ । लिगमा तीन चरणका खेल बाँकी छँदै फुलहम दोस्रो डिभिजनमा झर्ने निश्चित भएको हो । बर्नली २–० ले विजयी रह्यो ।
यसअघि सेफिल्ड युनाइटेड र वेस्ट ब्रुम पनि रेलिगेसनमा परिसकेका छन् । यससँगै च्याम्पियनसिप लिगमा झर्ने तीन टिमको समीकरण पूरा भएको छ । फुलहमले तीन खेल खेल्न बाँकी छँदा सुरक्षित स्थानबाट १० अंकले पछाडि रह्यो ।
बर्नलीको जितमा एस्ली वेस्टउड र क्रिस डले गोल गरे । यससँगै बर्नली लगातार छैटौं सिजन प्रिमियर लिगमा कायम रहन सफल रह्यो । जितपछि टोली ३९ अंकसहित लिग तालिकाको १४औं स्थानमा पनि उक्लेको छ ।
