ट्याक्सी दुर्घटना : चालकसहित दुई जनाको ज्यान गयो
बागलुङ, २९ बैसाख । बागलुङको ढोरपाटन नगरपालिका–५ मा ट्याक्सी दुर्घटना हुँदा दुई जनाको ज्यान गएको छ । एक जना घाइते भएका छन् ।
हिजो बेलुका ८ बजे ध १ ज ५२८ नम्बरको ट्याक्सी अनियन्त्रित भएर पल्टिँदा ट्याक्सी चालकसहित दुई जनाको ज्यान गएको हो । दुर्घटनामा ट्याक्सी चालक बागलुङको बढिगाड गाउँपालिका–५ का ढालबहादुर भनेर चिनिने ३५ वर्षका गोकर्ण थापा र यात्रु ढोरपाटन–५ का ४० वर्षका जोकबहादुर विकको ज्यान गएको प्रहरीले जनाएको छ ।
जोकबहादुरकी श्रीमती रतिकला विक भने घाइते भएको र उनलाई उपचारका लागि काठमाडौं लगिएको प्रहरीले जनाएको छ ।