जसपामा ठाकुर पक्षले राजेन्द्र महतोलाई चुन्यो संसदीय दलको नेता
काठमाडौं, ३१ बैसाख । जनता समाजवादी पार्टीको महन्थ ठाकुर पक्षले संसदीय दलको नेतामा राजेन्द्र महतोलाई चयन गरेको छ ।
शुक्रबार २० जना सांसदहरुबीच बसेको बैठकले महतोलाई संसदीय दलको नेता बनाउने निर्णय भएको जसपाका एक नेताले जानकारी दिएका छन् ।
अध्यक्ष महन्थ ठाकुर पक्षका सांसदहरुको बैठकले महतोलाई संसदीय दलको नेता चयन गरिएको हो । आजको बैठकमा अर्का अध्यक्ष उपेन्द्र यादव समूहलाई सहभागी नगराइएको स्रोतको दाबी छ ।
महतोलाई दलको नेता बनाएको निर्णयलाई ठाकुर पक्षले भोलि पार्टी कार्यालयमा दर्ता गराउने तयारी गरेको छ । यससँगै महतो अब केपी शर्मा ओली नेतृत्वको सरकारमा जाने पक्का भएको छ । महतोले ठाकुरसँग पावर सेयरिङ हुनुपर्ने माग राख्दै आइरहेका थिए ।