धराप थाप्न बम विछ्याउँदै गर्दा सोही बम पड्किएर तीन तालिबान लडाकुको मृत्यु
काठमाडौं, ३ जेठ । सोमबार बिहान अफगानिस्तानको पश्चिमी प्रान्त हेरातको एक सडकमा बम राख्दै गरेका तालिवानी लडाकुको सोही बम विष्फोट भएर मृत्यु भएको छ ।
उक्त प्रान्तका सुरक्षा अधिकारीले सो जानकारी दिएका छन् । उनका अनुसार सो सडकको छेउमा तीन जना तालिबानी लडाकुले बम राख्दै थिए ।
अफगानिस्तानमा तालिबानी लडाकूहरुले सडकको छेउमा लुकाइ छिपाइ बम राख्ने र यसको विष्फोट गराएर सर्वसाधारणको ज्यान लिने गरेका छन् । तर आज भने उनीहरुले बम राखेर भाग्दै गर्दा अकस्मात बम विष्फोट भएपछि बम राख्नेमध्येका तीन जनाको ज्यान गएको बताइएको छ । सिन्ह्वा