दोस्रो खेपको अक्सिजन सिलिण्डर यहि साता नेपाल आइपुग्छन् : चिनियाँ राजदूत
काठमाडौं, ३ जेठ । नेपालका लागि चिनियाँ राजदूत होउ यान्छीले चीनबाट नेपाललाई दोस्रो खेपमा प्राप्त हुने अक्सिजन सिलिण्डरहरु नियमितरुपमा आउने क्रम जारी रहेको बताएकी छन् ।
उनले दोस्रो खेपमा आउने सिलिण्डरहरु यसै साताभित्र काठमाडौं आइपुग्ने बताएकी छन् । नेपाल एयरलाइन्समा सिलिण्डर राख्दै गरिएका तस्बिर सामाजिक सञ्जालमा पोस्ट गर्दै उनले सो जानकारी दिएकी हुन् ।
चीनले नेपाललाई कोरोना संक्रमण शुरु भएदेखि परीक्षणका क्रममा चाहिने पीपीई, स्वाब संकलनका किट्सदेखि कोभिड १९ विरुद्धको खोप र केहि दिनयता अक्सिजन सिलिण्डर र भेन्टिलेटरलगायतका बिभिन्न स्वास्थ्य सामग्रीहरु सहयोगस्वरुप प्रदान गर्दै आएको छ ।
The second batch of oxygen cylinders provided by China under grant assistance is arriving successively within this week!!👏👏 pic.twitter.com/BIo6XXj9if
— Ambassador Hou Yanqi (@PRCAmbNepal) May 17, 2021