मदनकृष्ण र हरिवंशको अस्पताल मन्त्री पण्डितको कार्वाहीमा परे
काठमाण्डौं, १३ फागुन । वरिष्ठ हास्य कलाकार मदनकृष्ण श्रेष्ठ र हरिवंश आचार्यको लगानी रहेको अस्पताल जनसंख्या तथा वातावरण मन्त्री लालबाबु पण्डितको कार्वाहीमा परेका छन् ।
मन्त्रालयको सोमबार बसेको बैठकले जनस्वास्थ्यसँग प्रत्यक्ष जोडिएका अस्पतालहरुले नै उपचारका नाममा प्रदूषण बढाउँदै वातावरणमा असर पु¥याईरहेको ठहर गर्दे कार्वाही गर्ने निर्णय गरेको हो । वातावरण संरक्षण ऐन २०५३ र नियमावली २०५४ विपरीत सञ्चालन भइरहेका उद्योगमाथि कार्वाही गरेको हो । अस्पतालहरु सरकारी नियम र मापदण्ड मिचेर चलेको पाइएको छ ।
वातावरणीय प्रभाव मूल्याङ्कन मिचेर सञ्चालन भइरहेका अस्पतालहरुमा नेपाल नेशनल अस्पताल काठमाण्डौं, अन्तर्रा्ष्ट्रिय अस्पताल महाराजगञ्ज, काठमाण्डौं मोडल अस्पताल, काठमाण्डौं अस्पताल त्रिपुरेश्वर समेत रहेका छन् । उनीहरुलाई तत्काल मापदण्डमा ल्याउनका लागि पत्राचार गर्न स्वास्थ्य मन्त्रालयलाई पत्र पठाइसकिएको पनि स्वकीय सचिव आलमले जानकारी दिए ।
यस्तै इआइए नगरी चलेका हाेटल, उद्योगहरूलार्इ ५० हजार देखि १ लाख सम्म जरिवाना ताेकेकाे छ । नागरिकको प्रत्यक्ष जीवन र स्वास्थ्यलाई नै असर पुग्ने गरी व्यवसायका नाममा व्यापार गर्नु उद्योगी–व्यवसायीहरुको हेपाहा प्रकृति भएको बताउँदै मन्त्री पण्डितले भने–‘अब कसैले पनि नागरिकको स्वास्थ्य र वातावरणमा प्रभाव गर्ने गरी व्यवसाय गर्न छुट पाउँदैन । सरकारी नियम मिच्नेलाई निर्मम कार्वाही हुन्छ ।’ मन्त्री पण्डितले राज्यको नियम, कानून पालना गर्नु सबै नागरिक, उद्योगी, व्यवसायीहरुको कर्तव्य भएकाले नागरिकको स्वास्थ्य र वातावरण क्षेत्रमा असर र्पुयाउने गरी सञ्चालन भइरहेका सबै उद्योग–व्यवसायले समयमै सचेतता अपनाउन आग्रह गरे ।
याे पनि पढ्नुहाेस्
मन्त्री पण्डितले थाले मापदण्ड विपरीतका व्यवसायीलाई कार्वाही