उत्कृष्ट बर्ष प्रशिक्षक र खेलाडीलाई सम्मान
काठमाडौं: शरस्वती उच्च माबि जोरपाटी बेसीगाँउले अभिभावक दिवसको अवसर पारेर उत्कृष्ट बर्ष प्रशिक्षक र खेलाडीलाई सम्मान गरेको छ।
उक्त अबसरमा बिगत लामो समय देखि कराते प्रशिक्षण गराइरहेका कराते प्रशिक्षक पुरुषोत्तम पोखरेल र बर्ष भरिमा सहभागीमा जनाएको प्रतियोगितामा शतप्रतिशत नतिजा ल्याउन सफल खेलाडी कुईसाङ लामा सम्मानित भएका छन्।
सम्मानित ब्यक्तिहरुलाई गोकर्णेश्वर नगरपालिकाका मेयर सन्तोष चालिसे,उपमेयर शान्ति नेपाल,वडा न ८ का अध्यक्ष मनोज ढुंगाना बिधालय ब्यबस्थापन समितिका अध्यक्ष शिव कार्कीले खादा र सम्मानपत्र द्वारा सम्मान गरेको हो ।
मेयर चालिसेले सरस्वती स्कुल शिक्षा मात्र नभई अतिरिक्त क्रियाकलापमा समेत अब्बल रहेको कुरा बताए। प्रशिक्षक पोखरेलले बर्ष भरिमा आफ्नो प्रशिक्षणमा रहेका खेलाडीले विभिन्न प्रतियोगितामा ३० स्वर्ण ३५ रजत र ६० कास्य पदक जित्न सफल भएको थियो ।
