अमेरिकाको टेनिसीमा सेस्नाको विमान दुर्घटनाग्रस्त, सात जनाको मृत्यु
काठमाडौं, १६ जेठ । अमेरिकाको टेनिसीमा एउटा सानो सेस्ना जेट विमान दुर्घटनाग्रस्त हुँदा त्यसमा सवार सबै ७ जनाको मृत्यु भएको छ । सेस्ना सी ५०१ विमान पर्सी प्रिस्ट तालमा खसेर दुर्घटनाग्रस्त भएको हो ।
प्रारम्भिक विवरणमा स्मिर्ना बिमानस्थलबाट उडेको केही समयभित्रै बिमान पोखरीमा खसेको उल्लेख छ । उद्धारकर्मीका अनुसार विमानमा सवार सबै सात जनाको ज्यान गएको छ । संघीय हवाई उड्डयन प्रशासनले विमान दुर्घटनाका बारेमा अनुसन्धान शुरु भइसकेको जनाएको छ । रासस / सिन्ह्वा
