प्रदेश–२ सरकारमा तीन मन्त्रालयसहित कांग्रेस पनि सामेल, आजै शपथ
जनकपुरधाम, २६ जेठ । नेपाली कांग्रेस प्रदेश–२ सरकारमा तीन मन्त्रालयसहित सामेल हुने भएको छ । मुख्यमन्त्री लालबाबु राउतले नेपाली कांग्रेसलाई सरकारमा आजै साँझ सहभागी गराएर मन्त्रिपरिषद विस्तार गर्न लागेका छन्।
कांग्रेस संसदीय दलका नेता रामसरोज यादवको नेतृत्वमा तीन मन्त्रालयसहित सहभागी हुन लागेको हो । बुधबार मुख्यमन्त्री लालबाबु राउत र कांग्रेस संसदीय दलका नेता रामसरोज यादवबीच सरकारमा जाने सहमति भएको हो ।
नव नियुक्त मन्त्रीहरूको शपथ ग्रहण साँझ ७ः३० बजे तय भएको छ । माओवादी भने भोलि साँझसम्म सरकारमा सहभागी हुने स्रोेतले जनाएको छ ।
