सभामुखले प्रधानमन्त्रीसहित शीर्ष नेताहरुलाई बोलाए छलफलमा
काठमाडौं, २६ जेठ । सभामुख अग्निप्रसाद सापकोटाले प्रधानमन्त्री केपी शर्मा ओलीसहितका शीर्ष नेताहरूलाई छलफलका लागि बोलाएका छन् ।
बुधवार एक विज्ञप्ति निकालेर सभामुख सापकोटाले प्रधानमन्त्री ओलीसहित पूर्व प्रधानमन्त्री र संसदमा प्रतिनिधित्व गर्ने दलका शीर्ष नेताहरूलाई छलफलमा बोलाएका हुन् । सभामुखले पत्र लेखी समसामयिक विषयमा छलफल गनुपर्ने भन्दै जेठ २८ गते दिउँसो २ बजे सङ्घीय संसद् भवन नयाँ बानेश्वरको ल्होत्से हलमा बोलाएका छन् ।
