सात अर्बमा माथिल्लो भोटेकोशी निर्माण सम्झौता
काठमाण्डौं, १५ फागुन : माथिल्लो भोटेकोशी जलविद्युत आयोजनाको पुनर्निर्माणकार्य शुरु भएको छ । २०७२ सालको भूकम्प र २०७३ सालको बाढीले क्षतिग्रस्त भई तीन वर्षदेखि बन्द रहेको ४५ मेगावाटको सो आयोजनाको पुनर्निर्माण शुरु भएको हो । 
निर्माणकार्य शरु भएपनि सो आयोजनको सम्पूर्ण काम सकिने अझै समय लाग्ने भएको छ । सिन्धुपाल्चोकको भोटेकोशी गाउँपालिकामा निजी क्षेत्रबाट सञ्चालित सो आयोजनाबाट ५ वर्षसम्म उत्पादन बन्द हुँदा कम्पनीका अतिरिक्त राष्ट्रले नै ठूलो घाटा ब्यहोर्नु पर्ने भएको छ । आयोजना पुनर्निर्माणका लागि चीनको सिनो हाइड्रो कम्पनीसँग ७ अर्ब रुपैयाँमा ठेक्का सम्झौता भएको कम्पनीका कार्यकारी निर्देशक विक्रम स्थापितले जानकारी दिए ।
साथै सम्झौता अनुरुप उक्त आयोजनाको पुनर्निर्माण २ बर्षमा सक्ने लक्ष्य लिइएको छ । २०७१ साल साउन १७ गतेको जुरे पहिरोले प्रशारण लाइनको टावरलाई क्षति पुुयाएपछि झण्डै ४ महिना आयोजनाबाट उत्पादन बन्द भएको थियो । त्यसपछि मर्मत गरेर सञ्चालनमा ल्याए पनि २०७२ सालको भूकम्पले तथा २०७३ साल असारमा आएको बाढीका कारण ठूलो क्षति पुगेको र लगानीका हिसाबले नयाँ निर्माण आयोजना निर्माण गर्नु सरह भएको कार्यकारी निर्देशक स्थापितले बताए ।
बाह«बीसे–तातोपानी सडक खण्डअन्तर्गत साविक तातोपानी गाविसको १० किलो भन्ने स्थानमा बाँध बाँधेर ३ दशमलव ५ किमी सुरुङमार्फत फुलपिङकट्टीको झिर्पुमा निर्मित विद्युत गृहमा पानी खसालिएको थियो । बाढीले सुरुङ मार्गबाहेक बाँधस्थल, विद्युत् गृह, पेनस्टक पाइप, प्रशारण लाइनको केही टावर क्षेत्र र विद्युत् गृहमा रहेका सम्पूर्ण उपकरणमा क्षति पुु¥याएकाले मर्मत तथा नयाँ निर्माण गर्न पर्ने आयोजनाले जानकारी दिएको छ ।
