जनमोर्चाकी सचेतक थापा भन्छिन्–बर्खास्त सांसदको पत्र लिनु संवैधानिक अपराध
काठमाडौं, २९ जेठ । राष्ट्रिय जनमोर्चा गण्डकी प्रदेशकी सचेतक पियारी थापाले गण्डकी प्रदेशमा संवैधानिक अपराध भएको बताएकी छन् ।
सांसद र पार्टीबाट बर्खास्त व्यक्तिको समर्थनमा पृथ्वीसुब्बा गुरुङले फेरि मुख्यमन्त्रीमा दावी पेस गर्नु संवैधानिक अपराध हुने उनले बताएकी छिन् । गण्डकीको मुख्यमन्त्रीमा पृथ्वीसुब्बा गुरुङले जनमोर्चाले कारबाही गरेका सांसद कृष्ण थापा र जनता समाजवादी पार्टी (जसपा) को महन्थ ठाकुर पक्षको पत्र पेश गर्दै दाबी गरेपछि उनले यस्तो प्रतिक्रिया दिएकी हुन् ।
विपक्षी गठबन्धनसँग स्पष्ट बहुमत रहेको उनले बताएकी छिन् । बर्खास्त भएको सांसदको पत्र लिनु संवैधानिक अपराध भएको उनले बताइन् । मुलुकमा एक खालको प्रतिगन लादेर यो प्रदेशमा त्यही खालको गतिविधि बढाइएको उनले बताइन् । २७ गते सदनमा मुख्यमन्त्री गुरुङले विश्वासको मत गुमाएका थिए ।
त्यसपछि प्रदेश प्रखुम सीता पौडेलले सरकार गठनका लागि आह्वान गरेकी थिइन्। शुक्रबार ३१ जना सांसदको हस्ताक्षरसहित नेपाली कांग्रेसका नेता कृष्णचन्द्र पोखरेलले मुख्यमन्त्रीमा दाबी पेश गरेका थिए । तर आज मुख्यमन्त्रीमा गुरुङको पनि दाबी पेश गरेपछि गण्डकीको राजनीतिले नयाँ मोड लिएको छ ।
