कास्कीमा बाढीले तीन सय बढी भेंडा रहेको भेडीगोठ बगायो
कास्की, २ असार । कास्कीको मादी गाउँपालिका–१, हुगुमा रहेको एउटा भेडीगोठ बाढीले बगाएको छ । उक्त भेडीगोठमा ३०० भेडाबाख्राहरु थिए ।
मद्नी खोलामा आएको बाढीले भेडीगोठ बगाएको हो । भेडीगोठ कुरुवा तीन जना व्यक्ति भने सम्पर्कमा आएका गाउँपालिकाका अध्यक्ष बेदबहादुर गुरुङले जानकारी दिए ।
उच्च लेकमा रहेका कारण प्रहरी अहिलेसम्म त्यहाँ पुग्न सकेको छैन । जिल्ला प्रहरी कार्यालय कास्कीका प्रवक्ता डीएसपी सुवास हमालले खराब मौसमका कारण घटनास्थल पुग्न नसकिएको बताए ।
