गण्डकी प्रदेश : सपनामा पनि एमालेले विश्वासको मत दिंदैन : सांसद थापा
पोखरा, ४ असार । गण्डकी प्रदेश सरकारलाई नेकपा एमालेले मुख्यमन्त्रीले मागेको विश्वासको मत नदिने बताएको छ ।
आज (शुक्रबार) प्रदेश सभामा मुख्यमन्त्रीले मागेको विश्वासको मतका विषयमा धारणा राख्दै नेकपा एमालेका सांसद कृष्ण थापाले विपनामा मात्र होइन, सपनामा समेत विश्वासको मत नदिने बताएका छन् ।
‘विपनामा त कुरै छोडौं, सपनामा पनि एमालेले अहिलेको सरकारलाई विश्वासको मत दिँदैन’, प्रदेश सभामा थापाले भने । उनले एमालेका मुख्यमन्त्री पृथ्वीसुब्बा गुरुङले प्रदेशमा बनाएको आधार समेत अघि बढाउन यो सरकार सक्षम नभएको टिप्पणी गरेका छन् ।