ट्रयाक्टर पल्टिँदा चालकको मृत्यु
सिरहा, १६ असार । सिरहामा ट्रयाक्टर दुर्घटना हुँदा चालकको मृत्यु भएको छ । सिरहा नगरपालिका–१३ मा स १ त ३९७२ नम्बरको ट्रयाक्टर आफै अनियन्त्रित भई पल्टिँदा चालकको मृत्यु भएको प्रहरीले जनाएको छ ।
दुर्घटनामा सिरहा नगरपालिका–१६ निवासी २२ वर्षीय सुरज गोइतको मृत्यु भएको जिल्ला प्रहरी कार्यालय सिरहाले जनाएको छ ।
गए राति तीव्र गतिमा रहेको ट्रयाक्टर आफै अनियन्त्रित भई दुर्घटना हुँदा गोइतको घटनास्थलमै मृत्यु भएको हो । रासस