सर्लाहीमा चक्कु प्रहार गरी युवकको हत्या
सर्लाही, २४ असार । सर्लाहीको ईश्वरपुरमा चक्कु प्रहार गरी एक युवकको हत्या भएको छ । हत्यामा संलग्न भएको आरोपमा प्रहरीले एक जनालाई पक्राउ गरेको छ ।
ईश्वरपुर नगरपालिका–४ सागरनाथ बस्ने ३५ वर्षीय सानु भन्ने कृष्णबहादुर स्याङ्बोको हत्या भएको हो । बुधबार चक्कु प्रहार गरी उनको हत्या भएको प्रहरीले जानकारी दिएको छ ।
स्याङ्बोको हत्या गरेको आरोपमा सोही ठाउँका ५८ वर्षीय पाल दोर्जे स्याङतानलाई पक्राउ गरिएको जिल्ला प्रहरी कार्यालय सर्लाहीले जनाएको छ । हत्याको कारण भने खुलेको छैन । यस सम्बन्धमा आवश्यक अनुसन्धान शुरु गरिएको प्रहरीले जनाएको छ ।
