रोनाल्डोले जिते गोल्डेन बुट अवार्ड
काठमाडौं, २८ असार । पोर्चुगलका कप्तान क्रिस्टियानो रोनाल्डोले युरोकप–२०२० मा सर्वाधिक गोलकर्ताको अवार्ड अर्थात गोल्डेन बुट जितेका छन् ।
पोर्चुगल यो पटक युरोकपको अन्तिम १६ बाटै बाहिरिएको थियो । तर समूह चरणका तीन र अन्तिम १६ का एक गरी प्रतियोगिताका चार खेलमा पाँच गोल गरेका रोनाल्डोले सर्वाधिक गोलकर्ताको अवार्ड पाएका हुन् ।
बिहान सकिएको युरोकपको उपाधि इटलीले जितेको छ । इङ्ल्याण्डलाई पेनाल्टी सुटआउटमा ३–२ गोल अन्तरले पराजित गर्दै इटलीले दोस्रो पटक उपाधि जितेको हो । यसइटलीले सन् १९६८ मा उपाधि जितेको थियो ।
