यान किएनले जितिन् जापानमा जारी ओलम्पिकमा पहिलो स्वर्ण पदक
काठमाडौं, ९ साउन । जापानको टोक्योमा जारी ओलम्पिकमा चीनकी याङ किएनले पहिलो स्वर्ण पदक जितेकी छन् ।
सुटिङको महिला १० मिटर एअर राइफल स्पर्धामा २१ वर्षीय याङले रसियन ओलम्पिक कमिटीकी अनास्टासिय गालासिनालाई पछि पार्दै स्वर्ण पदक हात पारेकी हुन् । गालासिनाले रजत जितिन् भने स्विट्जरल्यान्डकी निना क्रिस्टेनले कास्य (तेस्रो) पदक पाएकी छन् ।
पहिलो पटक ओलम्पिकमा प्रतिस्पर्धा गरेकी याङले २५१.८ स्कोरका साथ ओलम्पिक रेकर्ड पनि बनाएकी छन् । गालासिनाले १५१.१ स्कोर गरिन् ।