सात लाख नगदसहित ११ जुवाडे पक्राउ


प्रकाशित मिति : July 28, 2021

काभ्रे, १३ साउन । जिल्ला प्रहरी कार्यालय काभ्रेले सात लाख नगदसहित ११ जुवाडेलाई पक्राउ गरेको छ ।

मंगलबार साँझ बनेपा नगरपालिका–१४ खालचौरस्थित थोप्चेन तामाङको घरमा तास खेलिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय काभ्रेका सूचना अधिकारी प्रहरी नायव उपरीक्षक हरि खतिवडाले जानकारी दिए । उनीहरुको साथबाट ७ लाख १५ हजार ३५ रुपैयाँ बरामद गरेको प्रहरीले जनाएको छ ।

प्रतिक्रिया दिनुहोस्