ओलीको बोलीले टरेको सहमति


१५ श्रावण २०७८, शुक्रबार
kp oli madhav nepal
फाइल फोटो

काठमाडौं, १४ साउन । पुष्पलाल स्मृति दिवसका अवसरमा साउन ७ गते आयोजित कार्यक्रममा सम्बोधन गरेर फर्केका एमाले वरिष्ठ नेता माधव कुमार नेपालले निकट नेताहरुसँग पार्टी विवाद मिल्ने अवस्थामा पुगेको बताएका थिए ।

‘अब हामीले गर्नुपर्ने तयारी तयारी गर्नुस्,’ उनले घनश्याम भुसाललगायतका नेताहरुसँग भनेका थिए । कोटेश्वरस्थित आफ्नै घरमा रहेका नेता र सचिवालय टिमसँग पनि नेपालले विवाद मिल्ने अवस्था पुगेको बताएका थिए ।

‘साथीहरुकै आग्रहमा मैले सम्बोधन पनि नरम गरें । ओलीले पनि राम्रो कुरा गरेको सन्देश आएको छ । स्पष्टिकरण पठाउनु पर्दैन भन्ने खबर आएको छ । तर स्पष्टिकरण चाहिँ तयार पार्नू, दिनुपर्ने पनि हुन सक्छ,’ उनले भनेका थिए । त्यही दिन एमाले अध्यक्ष केपी ओलीले केन्द्रीय कमिटीको बैठकमा सम्बोधन गर्नुअघि नेपालसहितका नेताहरुलाई लक्षित गरेर आममाफीको घोषणा गरे । त्यसपछि नेपालको मनस्थिति फेरियो ।

‘ओलीले एमनेसटी इज ग्रान्टेड भनेपछि पनि नेता नेपालले खासै वास्ता नगरी विवाद मिलाउने विषयमै छलफल गरिरहनु भएको थियो तर साँझ भिडियो हेर्दा ओलीले अपराधलाई माफी दिने तहबाट सम्बोधन गरेको भेटेपछि उहाँको मुड परिर्वतन भयो, ‘अब नेपाललाई विश्वास गर्ने आधार सकियो भन्न थाल्नुभयो,’ नेपाल निकट एक नेताले भने । नागरिक दैनिकबाट

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७