बाढीले बगायो रेडियो मेलम्चीको भवन
काठमाडौं, १७ साउन । गए राति (शनिबार) आएको भीषण बाढीले सिन्धुपाल्चोकको मेलम्चीमा रहेको रेडियो मेलम्चीको भवन बगाएको छ ।
राति १ बजे रेडियो मेलम्चीको भवन बगाएको रेडियोका अध्यक्ष डम्बर रसिक भारतीले जानकारी दिए । ‘भवन थियो अहिले त नामो निसान केही छैन्’ डम्बरले भने’ ‘हेर्दाहेर्दै राति १ बजे भवन बगाएर लग्यो ।’ उनको अनुसार खोलाले किउलका तीन वटा घर बगाएको छ ।
रेडियो मेलम्चीको भवन हुँदै पछिले समय खोला बग्ने गर्दथ्यो । मेलम्चीका बस्तीहरु भने हालसम्म सुरक्षित छ । पुरानो बजारमा सफा गरिरहेका केही घरमा पुन लेदो बसेको पनि अध्यक्ष भारतीले जानकारी दिए ।
यसअघि असार १ गते आएको भीषण बाढीले हेलम्बुु, किउल र मेलम्ची बजारलाई बगरमा परिणत गरेको थियो । त्यतिबेला नै बाढीमा डुबे पनि रेडियो मेलम्चीको भवन भत्किएको थिएन ।
