श्रीमती हत्या आरोपमा काठमाडौंमा एक जना पक्राउ
काठमाडौं, २० साउन । श्रीमतीको हत्या आरोपमा काठमाडौंबाट एक जना पक्राउ परेका छन् । २८ वर्षीया बबिता राईको हत्या गरेको आरोपमा काठमाडौं महानगरपालिका–१६ चौमती डेरा गरी बस्ने नुवाकोट तादी गाउँपालिका–२ सातबिसेका ३३ वर्षीय रामेश्वर गोतामेलाई बुधबार बिहान प्रहरीले पक्राउ गरेको हो ।
रामेश्वरले मंगलबार राति आफ्नै श्रीमतीको हत्या गरेको आरोपमा महानगरीय प्रहरी वृत्त बालाजुबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।