सरकारले एमालेको रिस भूमिहीन, दलित र सुकुम्बासी माथि पोख्यो : शंकर पोखरेल
काठमाडौं, २० साउन । लुम्बिनी प्रदेशका मुख्यमन्त्री शंकर पोखरेलले सरकारले एमालेसँगको रिस भूमिहीनमाथि पोखेर लाचारीपन देखाएको आरोप लगाएका छन् ।
पाखेरेलले आज सामाजिक सञ्जालमा लेख्दै एमालेको रिस भूमिहीन दलित, सुकुम्बासी र अव्यवस्थित बसोवासी माथि पोख्नु सरकारको लाचारीपन भएको बताएका हुन् ।
मंगलबार सरकारले भूमिसम्बन्धी आयोग खारेज गरेपछि पोखरेलको यस्तो भनाइ आएको हो । उनले गल्ती सच्याई आयोगलाई पुनः सक्रिय बनाउन सरकारलाई दबाब सिर्जना गर्न सबैलाई आग्रह गरेका छन् ।
एमालेसँगको रिस भूमिहीन दलित, सुकुम्बासी र अव्यवस्थित बसोवासी माथि पोख्नु सरकारको लाचारी हो । गल्ती सच्याई आयोगलाई पुन: सकृय बनाउन सरकारलाई दबाब सिर्जना गरौ।
— shankar.pokhrel (@shankarpokhrel8) August 4, 2021
