६ लाखसहित डल्लुबाट २१ जुवाडे पक्राउ
काठमाडौं, २० साउन । काठमाडौं महानगरपालिका–१५, डल्लु बस्ने प्रकाश शाहीको घरमा जुवातास खेलिरहेको अवस्थामा २१ जुवाडे पक्राउ परेका छन् ।
काठमाडौं टंकेश्वर बस्ने ३७ वर्षीय निगेश श्रेष्ठलगायत २१ जनालाई मंगलबार साँझ प्रहरीले पक्राउ गरेको हो । महानगरीय प्रहरी वृत्त स्वयम्भूबाट खटिएको प्रहरीले उनीहरुलाई नगद ६ लाख ५ हजार रुपैयाँ र खेलमा प्रयोग भएको २६ थान ओखरसहित फेला पारी पक्राउ गरेको जनाइएको छ ।
