विश्व आदिवासी दिवसमा गाउँपालिकाले दियो सार्वजनिक बिदा
तनहुँ, २५ साउन । २७ औं विश्व आदिवासी दिवसका अवसरमा तनहुँको व्यास नगरपालिकाले आज (सोमबार) सार्वजनिक बिदा दिएको छ । २२ साउनमा बसेको कार्यपालिका बैठकले विश्व आदिवासी दिवसका अवसरमा सार्वजनिक बिदा दिने निर्णय गरेको हो ।
सार्वजनिक बिदाका अवसरमा नगरपालिकाअन्तर्गतका सम्पूर्ण कार्यालय, वडा कार्यालय र स्वास्थ्य स्वास्थ्य संस्थासमेत बन्द रहने प्रमुख प्रशासकीय अधिकृत डिल्लीराम सिग्देलले जानकारी दिए । कोभिड–१९ विरुद्धको खोप लगाउने कार्यक्रम भने जारी रहने नगरपालिकाले प्रेस विज्ञप्तिमार्फत जानकारी दिएको छ ।
तनहुँका विभिन्न स्थानीय तहले विशेष दिनमा सार्वजनिक बिदाको घोषणा गर्दै आएका छन् । स्थानीय तहले व्यास जयन्ती, शहीद दिवस, भानु जयन्ती, मगर दिवस, एकादशी पर्वमा सार्वजनिक बिदा दिँदै आएका छन् ।