स्रोत नखुलेको ६ लाख रुपैयाँसहित एक भारतीय पक्राउ
कञ्चनपुर, २५ साउन । कञ्चनपुरको पुनर्वास नगरपालिका–११ डोकेबजारस्थित सीमा ईलाकाबाट सशस्त्र प्रहरीले ६ लाख १ हजार ५ सय नेपाली रुपैयाँसहित एक जनालाई पक्राउ गरेको छ ।
पक्राउ पर्नेमा भारत घर बताउने ४१ वर्षीय रजनीस कुमार रहेका छन् । सशस्त्र प्रहरी बल नेपाल बोर्डर आउट पोष्ट डोकेबजारबाट खटिएको सशस्त्र प्रहरीले कुमारलाई शंका लागि जाँच गर्दा उनको साथमा सो रकम फेला परेको थियो ।
उक्त रुपैयाँको स्रोत खुलाउन नसकेपछि पक्राउ गरिएको सशस्त्र प्रहरीले जनाएको छ । उनलाई बरामद रुपैयाँसहित आवश्यक कारवाहीको लागि नेपाल प्रहरीलाई बुझाइएको छ ।