लुम्बिनीका मुख्यमन्त्री शंकर पोखरेलले देलान् राजीनामा ?
बुटवल, २७ साउन । लुम्बिनी प्रदेशका मुख्यमन्त्री शंकर पोखरेल राजीनामा दिने तयारीमा रहेका छन् । प्रदेशसभामा अल्पमतमा परेपछि पोखरेलले राजीनामा दिने तयारी गरेको स्रोतले जानकारी दिएको छ ।
अहिले केहीबेरपछि लुम्बिनी एमाले संसदीय दलको बैठक बस्दैछ । सरकारका प्रवक्ता समेत रहेका वैजनाथ चौधरीले यसअघि मंगलबार बेलुका बुधबार बिहान संसदीय दलको बैठक बसेर केही निर्णय लिइने बताएका थिए ।
तर उनले राजीनामाको विषय भने खुलाएका थिएनन् । अधिवेशन शुरु हुनुअघि नै उनले ठोस निर्णय लिइने बताएका थिए । विपक्षी गठबन्धनको समावेदनपछि लुम्बिनीका प्रदेश प्रखुम अमिक शेरचनले आज १ बजेका लागि प्रदेशसभा बैठक बोलाएका छन् ।