तालीवान सरकार गठनको तयारीमा, कस्तो बन्ला त सरकार ?
काठमाडौं, १ भदौं । अफगानिस्तान नियन्त्रणमा लिएको तालीवानीहरुले सरकार गठनको तयारी गरेका छन् । २० बर्षको लामो संघर्षपछि सत्ता कब्जा गरेको तालीवानीले आफूहरुले युद्ध जितेको घोषणा गर्दै सरकार गठनका तयारी थालेका हुन् ।
उनीहरुले अफगानिस्तानमा जारी तनाव अन्त्य गर्दै सरकार गठन गरी देश र जनताको भलाईका लागि काम गर्ने घोषणा गरेका छन् । अफगानिस्तान आफनो कब्जामा गएपछि चीन, पाकिस्तान र रुसले मान्यता दिइसकेको दाबी गर्दै तालीवानले सरकार गठनपछि अफगानिस्तान इस्लामिक राष्ट्र हुने समेत घोषणा गरेका छन् ।
हाललाई तालीवानका प्रभावशाली नेताहरु मुल्ला अब्दुला बरादर र हिब्तुल्लाह अखुन्दजादाले सरकार सम्हाल्ने तालीवानीले जनाएको छ । उनीहरुले आफनो नेतृत्वमा सरकार गठन हुँदा कुन पनि नागरिकले डराउनु पर्ने स्थिति आउन नदिने बचन पनि दिएका छन् ।
