प्रधानमन्त्री र डा. गोविन्द केसीबीच भेटवार्ता
काठमाडौं, १ भदौं । डा. गोविन्द केसीले आफ्ना मागका सम्बन्धमा प्रधानमन्त्री शेरबहादुर देउवासँग छलफल गरिरहेका छन् ।
प्रधानमन्त्री निवास बालुवाटारमा प्रधानमन्त्री देउवासँग अहिले डा. केसी छलफलमा रहेको प्रधानमन्त्रीको सचिवालयले जनाएको छ ।
यसअघि डा. केसीले स्वास्थ्य राज्यमन्त्रीबाट उमेश श्रेष्ठलाई हटाउनुपर्ने लगायतका पाँच बुँदे माग अघि सार्दै भदौ ३ गतेसम्मको अल्टिमेटम दिएका थिए । उनको अल्टिमेटम सकिन दुई दिन बाँकी छ ।
निजी अस्पतालका सञ्चालक उमेश श्रेष्ठलाई स्वास्थ्य राज्यमन्त्री नियुक्त गरिएको भन्दै डा. केसीले विरोध जनाएका थिए । उनले स्वार्थको द्वन्द्व नहुने व्यक्तिलाई तत्काल स्वास्थ्यमन्त्री र राज्यमन्त्री नियुक्त गर्नुपर्ने माग राखेका छन् ।
