करेसाबारीको पहिरो पन्छाउँदै गर्दा पहिरोले पुरेर मृत्यु
नुवाकोट, ३ भदौं । नुवाकोटको बेलकोटगढी नगरपालिका–५ लामाचउरमा पहिरो जाँदा एक जनाको मृत्यु भएको छ ।
घर माथिबाट खसेको पहिरो पन्छाउने क्रममा ४३ वर्षका विष्णुप्रसाद लामिछानेको घटनास्थलमा नै मृत्यु भएको जिल्ला प्रहरी कार्यालय नुवाकोटका प्रमुख तुलबहादुर कार्कीले जानकारी दिएका छन् ।
आज बिहान २ः३० बजे लामिछानेको घरको करेसामा पहिरो खसेको थियो । त्यो पहिरो पन्छाउने क्रममा थप पहिरो खस्दा त्यसमा पुरिएर उनको मृत्यु भएको प्रहरीले जनाएको छ । लामिछानेको शव परीक्षणका लागि त्रिशूली अस्पतालमा राखिएको छ । पहिरोले लामिछानेको घर समेत जोखिममा परेको छ ।