विश्व फोटोग्राफी दिवसमा रक्तदान
काठमाडौं, ३ भदौं । १८२ औं विश्व फोटोग्राफी दिवसका उपलक्ष्यमा काठमाडौं फोटोग्राफर संघद्वारा बृहत् रक्तदान कार्यक्रम गरिएको छ ।
बानेश्वर, पिपलबोटस्थित खुल्ला स्थानमा आयोजित कार्यक्रममा फोटोग्राफी पेशामा आवद्ध करीब एक सय फोटोग्राफर र विभिन्न सञ्चार माध्यममका कार्यरत फोटो पत्रकारको सहभागिता थियो ।
कोभिड–१९ को सङ्क्रमणका कारण रगत नपाएर छटपाटाइरहेकाहरुका लागि मानवीय सहयोगस्वरुप यो कार्यक्रम गरिएको सङ्घका अध्यक्ष मोती बोगटीले बताए ।
दिवसका अवसरमा आज साँझ राष्ट्रिय फोटो पत्रकार समूहले भर्चुअल माध्यमबाट ‘नेपालमा फोटो पत्रकारिताको वर्तमान अवस्था र मनोवैज्ञानिक चुनौती’ विषयक अन्तरक्र्रिया कार्यक्रम आयोजना गर्दैछ ।