महन्थ ठाकुरसँग भाजपा नेता चौथाइवालेको भेटवार्ता
काठमाडौं, ७ भदौं । भारतीय जनता पार्टीका विदेश विभाग प्रमुख डा. विजय मुरलीधर चौथाइवालेले जनता समाजवादी पार्टी लोकतान्त्रिकका अध्यक्ष महन्थ ठाकुरसँग भेटवार्ता गरेका छन् ।
पछिल्लो राजनीतिक घटनाक्रमबारे उनीहरुबीभ छलफल भएको थियो । साथै ठाकुरले जसपाबाट अलग्गिएर नयाँ पार्टी दर्ता गरेकोबारे पनि भाजपाका नेता चौथाइवालेले चासो देखाएका थिए । भेटको क्रममा चौथाइवालेले ठाकुरको नयाँ पार्टीसँग भाजपाको सम्बन्ध सुधार्न चाहेको प्रतिक्रिया दिएका थिए । साथै ठाकुरलाई नयाँ पार्टीका लागि शुभकामना समेत दिएका थिए ।
सोमबार बालकोट पुगेर एमाले अध्यक्ष केपी ओलीसँग भेट गरेपछि चौथाइवालेले ठाकुरसँग भेट गरेका हुन् । सोमबार साँझ नै उनले पुष्पकमल दाहालसँग भेटवार्ता गर्ने कार्यक्रम छ । उनले यसअघि आइतबार प्रधानमन्त्री शेरबहादुर देउवासँग भेटवार्ता गरेका थिए ।
