माओवादी केन्द्रको प्रवक्तामा कृष्णबहादुर महरा
काठमाडौं, ९ भदौं । नेकपा माओवादी केन्द्रको प्रवक्ताको जिम्मेवारी नेता कृष्णबहादुर महरालाई दिइएको छ । सभामुख हुँदा यौन दुर्व्यवहारको आरोप लागेपछि पदबाट हटाइएका महराले लामो समयपछि पार्टीमा प्रभावकारी भूमिका पाएका हुन् ।
यस अभियोगमा उनले अदालतबाट सफाइ पाइसकेका छन् । सोमबार र मंगलबार काठमाडौंमा बसेको माओवादी केन्द्रको केन्द्रीय कमिटी बैठकले यसअघि प्रवक्ता रहेका नारायणकाजी श्रेष्ठको स्थानमा महरालाई जिम्मेवारी तोकेको हो । नेता श्रेष्ठलाई भने माओवादी केन्द्रको प्रवास समितिको इञ्चार्ज बनाइएको छ ।