उत्तर कोरियाको निर्णयले विश्व चकित, त्याग्ने भयो परमाणु हतियार
काठमाडौं, २३ फागुन : आश्चर्यको देश भनिंदै आएको उत्तर कोरियाले फेरि एक पटक विश्वलाई आश्चर्य र चकित बनाएको छ । परमाणु बलको धम्कीले विश्वलाई तर्साउदै आएका उत्तर कोरियाली राष्ट्रपति किम जोङ उनले दक्षिण कोरियाली प्रतिनिधि मण्डलको सामु एक प्रस्ताव राखेर विश्वलाई अचम्मित पारेका छन् । किमले सुरक्षाको प्रत्याभूति मिलेमा आफू परमाणु बम त्याग्नका लागि तयार भएको बताएका छन् ।
रक्षा कायालय प्रमुख चुङ इयुइ–जुङको नेतृत्वमा १० सदस्यीय दक्षिण कोरियाली प्रतिनिधि मण्डल उत्तर कोरियाको राजधानी प्योङयाङको दुई दिने भ्रमणमा आएको छ । किम जोङ उनको पिताको २०११ मा निधन भएपश्चात कि सत्तामा आएपछि दक्षिण कोरियाको वरिष्ठ अधिकारीसँग उनको यो पहिलो भेटघाट हो । उनले अन्तर कोरियाली सम्झौता तथा पुनः एकिकरणको नयाँ इतिहास लेख्ने आफ्नो इच्छा भएको बताए । दुवै देशको राजदूतकाबीच प्योङयोङमा भएको बैठकको समयमा अन्तर कोरियाली सम्मेलन आयोजित गर्ने सम्बन्धि एक सम्झौतामा पनि सहमती बनेको छ ।
किमले दक्षिण कोरियाली प्रतिनिधिमण्डलसँग कोरियाली प्रायद्विपमा सैन्य तनाव क मगर्न तथा वार्ता, सम्पर्क र आपसी सहयोग बनाउन आफ्नो विचार राखेको समाचार एजेन्सी केसीएनएले जनाएको छ । किमले बारम्बार दक्षिण कोरियासँगको सम्बन्धलाई राम्रो बनाउन आफू् दृढ रहेको बताएको केसीएनएले जनाएको छ । उनले सशक्त प्रयासको माध्यमबाट दुई देशबीचको राष्ट्रिय पुनः एकीकरणका नयाँ इतिहास लेख्न र विश्वले दुवै देशप्रति गर्व गरोस भन्ने इच्छा व्यक्त गरेको बताएको समाचार संस्थाले जनाएको छ । समाचार एजेन्सीका अनुसार प्योङयाङ पुगेको दक्षिण कोरियाको उच्चस्तरिय प्रतिनिधिमण्डलले किम जोङ उनको दक्षिण कोरियाली राष्ट्रपति मुन जेइ–इनका पत्र पनि दिएका छन् । बैठकमा किमले दुवै देशबीच व्यवहारिक कदम उठाउन आदेश दिएका छन् ।
