सल्यानका ६४ जनप्रतिनिधि एमाले त्यागेर एकीकृत समाजवादीमा
सल्यान, १९ भदौं । सल्यानका ६४ जनप्रतिनिधिहरुले नेकपा एमाले परित्याग गरी माधवकुमार नेपाल नेतृत्वको नेकपा एकीकृत समाजवादीमा लागेका छन् । उनीहरुले एमाले परित्याग गर्दै नेकपा (एकीकृत समाजवादी) का पक्षमा सनाखत गरेका हुन् ।
एकीकृत समाजवादीले सल्यानका स्थानीय तहका ६४ जना जनप्रतिनिधिहरूले सनाखत गरेको पुष्टि गरेको छ । एकीकृत समाजवादीले ट्विटरमार्फत् पालिका अध्यक्ष १, उपाध्यक्ष १, वडा अध्यक्ष १६ र सदस्यहरू ४६ जनाले एकै दिन सनाखत गरेको जनाएको छ ।
