नेपाल–भारतबीचको खेल हेर्न एमाले अध्यक्ष ओली पुगे रङ्गशाला
काठमाडौं, २० भदौं । नेपाल र भारतबीच भइरहेको मैत्रीपूर्ण फुटवल खेल हेर्न नेकपा एमालेका अध्यक्ष तथा पूर्व प्रधानमन्त्री केपी शर्मा ओली दशरथ रङ्गशाला पुगेका छन् ।
उनी केहीबेरअघि त्यहाँ पुगेका हुन् । ओली गृहमन्त्री बालकृष्ण खाँणसँगै पुगेका थिए । दुवैलाई राखेप सदस्य सचिव रमेश सिलवालले स्वागत गरेका थिए । नेपाल र भारतबीच दोस्रो मैत्रीपूर्ण खेल आज (आइतबार) भइरहेको छ । यसअघि गत बिहीबार भएको मैत्रीपूर्ण खेलमा नेपाल र भारतले १–१ को बराबरी खेलेका थिए ।