‘अफगानिस्तानमा छुटेका अमेरिकीलाई तालिबानले खोजीखोजी मारिरहेका छन्’
काबुल, २० भदौं । अमेरिकी सेनाले अफगानिस्तान छाडिसकेका भए पनि एक सयदेखि दुई सय जना जति पासपोर्टधारी अमेरिकी नागरिक त्यहीं छुटेका छन् । जसलाई तालिबानका लडाकुले घरघर गएर खोजीखोजी मारिरहेका छन् ।
उद्धार अभियान अन्त्य भएपछि अफगानिस्तानमै छुटेकी एक अमेरिकी महिलाले मिडिया ग्रुप भ्वाइस अफ अमेरिकासँग उक्त कुरा बताएकी हुन् । २५ वर्षीया नसिरा अमेरिकाको क्लालिफोर्नियकी बासिन्दा हुन् । उनीसँग अमेरिकी पासपोर्ट छ । परिवारलाई भेट्न र विवाह गर्न उनी २०२० जुनमा अफगानिस्तान गएकी थिइन् । अहिले उनी गर्भवती छिन् ।
नसिरालाई थाहा छैन– अब अगाडि के होला ? कुनै बेला क्यालिफोर्निया फर्किन पाउँछिन् वा जीन्दगीभर अफगानिस्तानमै बस्नुपर्ला ? उनले भनिन्, ‘थाहा छैन, कहिलेसम्म बाँचिएला !’ एजेन्सी