घट्यो सुनको भाउ, तोलाको कतिमा हुँदैछ कारोबार ?
काठमाडौं, २१ भदौं । नेपाली बजारमा आज (सोमबार) सुनको मूल्य घटेको छ । आइतबार छापावाला सुन प्रतितोला ९१ हजार ५ सय रुपैयाँमा कारोबार भएकोमा आज ९१ हजार ४ सय रुपैयाँमा कारोबार भएको छ । यसअनुसार आज प्रतितोला १ सय रुपैयाँले गिरावट भएको हो ।
चाँदीको मूल्य भने यथावत् रहेको नेपाल सुनचाँदी व्यवसायी महासंघले जानकारी दिएको छ । चाँदी आइतबार र सोमबार १ हजार २ सय ३० रुपैयाँमा कारोबार भएको हो ।
