पूर्व प्रेमिकाको अश्लिल फोटो र भिडियो पोष्ट गर्ने युवक पक्राउ
काठमाडौं, २८ भदौं । पूर्व प्रेमिकासँगको अश्लिल फोटो, भिडियो सामाजिक सञ्जालमा पोष्ट गर्ने एक व्यक्ति पक्राउ परेका छन् ।
पहिले प्रेमिकासँग सम्बन्धमा हुँदा खिचेका फोटो, भिडियो सम्बन्ध बिग्रिएपछि फेसबुक र इन्स्टाग्राममा पोष्ट गर्ने दोलखाको बैतेश्वर गाउँपालिका–८ का सुजन जिरेल पक्राउ परेका हुन् ।
२३ वर्षीय जिरेल हाल काठमाडौंको टोखामा बस्दै आएका थिए । महानगरीय अपराध महाशाखाले उनलाई काभ्रेको पाँचखालबाट पक्राउ गरेको हो । उनीविरुद्ध विद्युतीय कारोबार ऐन कसुरमा आवश्यक कारबाहीको लागि सोमबार महानगरीय प्रहरी परिसर काठमाडौंमा पठाइएको महाशाखाका प्रवक्ता एसपी कृष्ण कोइरालाले बताए ।
