सिटीको शानदार जित
काठमाडौं, ३१ भदौं । प्रिमियर लिग क्लब म्यान्चेस्टर सिटीले च्याम्पियन्स लिग फुटबलमा शानदार जित निकालेको छ । बुधबार राति भएको खेलमा सिटीले १० खेलाडीमा सिमित आरबी लाइपजिगलाई ६–३ गोल अन्तरले हराएको हो ।
घरेलु मैदानमा भएको खेलमा सिटीलाई जित दिलाउन नाथा एक, नोर्डी मुकिले, ज्याक ग्रेलिस, जाओ कान्केलो र ग्रावियल जिजसले समान एक–एक गोल गरे । सिटीले एक गोल आत्मघाती उपहार पाएको थियो ।
यता लाइपजिगका लागि चिरिसटोपर नकुन्कुले ह्याट्रिक पूरा गरे । पहिलो हाफमा तीन गोल गरेको सिटीले दोस्रो हाफमा थप तीन गोल गरको हो । यता लाइपजिग खेलको ७९ औं मिनेटमा १० खेलाडीमा सिमित बनेको थियो । लाइपजिगका एन्गेलिनो रातो कार्ड खाँदै मैदान बाहिरिएका थिए ।
जितसँगै सिटीले च्याम्पियन्स लिगको यो सिजनमा उत्कृष्ट सुरुवात गरेको छ । सिटीले ३ अंक जोडेको छ । यता लाइपजिगले भने हारबाट प्रतियोगिताको सुरुवात गरेको छ ।