भारी वर्षाका कारण भारत उत्तर प्रदेशमा १५ जनाको मृत्यु


१ आश्विन २०७८, शुक्रबार
IndiaTv179ab6 rain final

नयाँदिल्ली, १ असोज । भारी वर्षाका कारण भारतको उत्तर प्रदेशमा १५ जनाको ज्यान गएको छ । केही दिनयता लगातार भारी वर्षा हुँदा १५ जनाको ज्यान जानुका साथै केही बेपत्ता भएका छन् ।

डुबानका कारण जनजीवन प्रभावित भएको भारतीय सञ्चारमाध्यमले जनाएका छन् । भारतको मौसम विज्ञान विभागले आज र भोलि पनि भारी वर्षाको सम्भावना भएकाले सावधानी अपनाउन आग्रह गरेको छ । साथै उत्तर प्रदेश सरकारले आज र भोलि दुई दिन प्रदेशका सबै स्कुल कलेज बन्द गर्न भनेको छ ।

लगातार पानी परिरहेकाले जोखिमलाई मध्यनजर गर्दै आज र भोलि दुई दिन स्कुल बन्द गरिएको भारतीय सञ्चारमाध्यमले जनाएका छन् । उत्तर प्रदेशमा केही दिनयता लगातार भारी वर्षा भइरहेको छ । कुनै–कुनै जिल्लामा हिजो एकै दिनमा एक सय मिलिमिटरभन्दा धेरै पानी परेको छ । रायबरेली, लखनउ, सुल्तानपुर र अयोध्यामा हिजो एक सय मिलिमिटर भन्दा धेरै पानी परेको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७