बाढीले दुई घर पुरिए, सात परिवार विस्थापित
बागलुङ, ६ असोज । बागलुङको ढोरपाटन नगरपालिका–२ टारीखेतमा भलसहित आएको बाढीले दुई घर डुबाएको छ भने सात परिवार विस्थापित भएका छन् ।
गए राति मुसलधारे वर्षासँगै आएको भेलले स्थानीय तमबहादुर महत र खिमबहादुर रसाईलीको घर पूर्ण रुपमा डुबाएको हो । घर डुबानमा परे पनि मानिसहरु भने सबै सुरक्षित छन् । परिवारका सबै सदस्यलाई सुरक्षित स्थानमा सारिएको इलाका प्रहरी कार्यालय बुर्तिबाङका प्रमुख जयराम वन्तले जानकारी दिएका छन् ।
