अमेरिका भ्रमणमा निस्कन लागेका पराष्ट्रमन्त्री भन्छन्, ‘एमसीसी प्राथमिकताको सूचीमा छैन’
काठमाडौं, ६ असोज । नव नियुक्त परराष्ट्रमन्त्री नारायण खड्काले आफ्नो अमेरिका भ्रमणमा मिलेनियम च्यालेञ्ज कर्पोरेसन (एमसीसी) प्राथमिकताको सूचीमा नरहेको बताएका छन् ।
आज (बुधबार) मात्र परराष्ट्रमन्त्री नियुक्त भएका खड्का संयुक्त राष्ट्रसंघको महासभामा भाग लिन साँझ न्यूयोर्क जाँदैछन् । उनले राष्ट्रसंघ महासभामा भाग लिनुका साथै साइड लाइन मिटिङका क्रममा सार्क देशका परराष्ट्रमन्त्रीहरुसँग भेटवार्ता गर्ने कार्यक्रम छ ।
तर भ्रमणको एजेण्डामा एमसीसी प्राथमिकताको एजेण्डा नभएको बताए । उनले भने, ‘राष्ट्रसंघ महासभामा भाग लिन जान लागेको हुँ, एमसीसी प्राथमिकता सूचीमा छैन ।’